Heimsleiðararnir á G7-toppfundinum, sum í hesum døgum er í Hiroshima í Japan, er vorðnir samdir um, at fleiri revsitiltøk skulu setast í verk móti Russlandi.
Tað skriva fleiri altjóða miðlar.
Leiðararnir skriva í einari yvirlýsing, sambært BBC, at londini “binda seg saman at standa saman ímóti ólógliga, skilaleysa og ógrundaða álopið á Ukraina”.
Í yvirlýsingini stendur millum annað, at:
- Vit endurnýggja okkara ábyrgd at veita fíggjarliga, humanitera, hernaðarliga og diplomatiska stuðul, sum Ukraina hevur brúk fyri, so longi tað krevst.
- Vit hava í hyggju at seta enn fleiri revsitiltøk og onnur tiltøk í verk fyri at økja útreiðslurnar og kostnaðin fyri Russland og tey lond, ið stuðla Russland í sínum krígstillag.
Í yvirlýsingini stendur eisini, sambært BBC, at tað verður bert møguleiki við friði, um Russland tekur sínar herdeildir og hernaðarútgerð úr Ukraina.
G7-londini eru Bretland, Frakland, USA, Kanada, Týskland, Italia og Japan. Umframt hesi sjey, so luttaka eisini onnur átta lond á toppfundinum í Japan í ár.
Les eisini: G7-londini fara at umrøða harðari revsitiltøk móti Russlandi
