Í 2023 vórðu 367 milliónir krónur brúktar til gransking og menning í Føroyum, svarandi til 1,4 prosent av BTÚ. Tað skrivar Hagstovan.
Tað er ein minking á 0,3 prosentstig samanborið við 2022, tá talið var 1,7 prosent. Sambært Hagstovu Føroya og Granskingarráðnum verða hagtølini gjørd eftir altjóða leisti.
Vinnufeløg standa fyri størsta partinum av útreiðslunum, men eru kortini minkað við 20,9 prosentum í mun til 2022. Hinvegin eru útreiðslurnar hjá almenna geiranum og hægri útbúgvingarstovnum vaksin við ávikavist 10,8 og 17,5 prosentum.
Føroyar hava lægstu útreiðslurnar til gransking og menning av Norðurlondum. Í Svøríki verða 3,5 prosent av BTÚ brúkt til gransking, meðan talið í Føroyum er nógv lægri.
Í 2023 vóru tilsamans 252 ársverk innan gransking og menning, har 57 prosent vóru menn og 43 prosent kvinnur. Fleiri menn starvast í tekniskum størvum, meðan kynsbýtið er javnari millum vísindalig hjálparfólk.
Samanumtikið síggjast sveiggj í útreiðslunum til gransking og menning, serliga orsaka av stórum verkætlanir og broytingum í vinnugeirum.
Deil á Facebook
