Burndeildin menn
H71- KÍF 28-23 (16-10)
Dómaraseðil á hsf.fo
Menninir hjá H71 lótu ongantíð KÍF koma inn í dystin í dag. Fyrstu tíggju minuttirnar var javnt. Men eftir støðuna 4-4 setti H71 spitaran í botn, og teir steðgaðu ikki aftur fyrr enn tað stóð 24-14, tá ið 18 minuttir vóru spældir av seinna hálvleiki.
Tá skuldi ein hildið, at dysturin var avgjørdur, men soleiðis er ikki, tá ið tað eru kollfirðingar, sum eru á vøllinum. Er tað nakað, sum eyðkennir KÍF, so er tað, at teir ongantíð geva upp, og tað gjørdu teir heldur ikki í dag, hóast tað sá púra vónleyst út.
Seks mál á rað skoraði KÍF upp á fimm minuttir, og brádliga var 24-20 og slakir seks minuttir eftir. H71 tók leikbrá, og tað hjálpti. Dysturin endaði 28-23 til hoyvíkingar.
Hjá H71 skoraði Brian Slyne tíggju mál, og Fríði Weyhe skoraði seks mál fyri KÍF.
StÍF – Team Klaksvík 29-26 (18-11)
Dómaraseðil á hsf.fo
Team Klaksvík gav StÍF óvæntaða mótstøðu í dag. Alt byrjaði, sum væntað, og StÍF kom fleiri mál fram um beinanvegin. 18-11 var støðan í hálvleikinum.
Beinanvegin í seinna hálvleiki minkaði Team Klakvík um munin við nøkrum málum, og spakuliga svan munurin niður í eitt mál 26-25, tá ið fimm minuttir vóru eftir.
Nú skoraði StÍF trý mál á rað og avgjørdi dystin, áðrenn Team Klaksvík skoraði seinasta málið, og dysturin endaði 29-26 til StÍF.
Sofus í Selvindi Nattestad var toppskjútti hjá strandingum, og Beinir Johannesen skoraði níggju mál fyri Team Klaksvík.
Neistin – Kyndil 19-26 (8-11)
Les serstaka dystarfrásøgn
Stigatalva Burndeildin
Dystir | Vunnin mál | Tapt mál | Munur | Stig | |
Kyndil | 13 | 374 | 347 | 27 | 19 |
StÍF | 13 | 397 | 363 | 34 | 18 |
H71 | 13 | 389 | 365 | 24 | 15 |
VÍF | 12 | 381 | 337 | 44 | 14 |
KÍF | 13 | 336 | 337 | -1 | 13 |
Neistin | 13 | 328 | 338 | -10 | 11 |
Team Klaksvík | 13 | 326 | 444 | -118 | 0 |

