Hákun allan dystin í sigri móti Eliasi

Bundesliga: Füchse Berlin- THW Kiel 35-26

Tað var føroyingadystur í heimsins sterkastu hondbóltsdeild, Bundesliguni, í dag.

Hákun West av Teigum byrjaði á vøllinum, tá ið Füchse Berlin á heimavølli tók móti Kiel við Eliasi á Skipagøtu á liðnum.

Hákun West av Teigum má sum oftast taka til takkar við einum plássið á beinkinum, og so taka av møguleikunum, tá ið í høvið býðst. Ein slíkur møguleiki var í dag.

Eftir ein javnan fyrra hálvleiki førdi Füchse Berlin 17-15 í hálvleikinum. Hákun West av Teigum skoraði eitt mál av høgra vong og brendi eitt skot. Elias á Skipagøtu kom inn seinastu løtuna av fyrra hálvleiki og skoraði tvær ferðir.

Í seinna hálvleiki økti Füchse Berlin beinanveginum munin og økti hann allan seinna hálvleik. Úrslitið gjørdist heili 35-36 til Füchse Berlin.

Hákun av Teigum skoraði tvær ferðir í seinna hálvleiki, og skoraði 3 mál við 4 royndum í dag. Elias á Skipagøtu skoraði einki mál eftir steðgin.

Füchse Berlin er nummar trý í Bundesliguni, og Kiel er á einum sjeynda plássi.

Hannover-Burgdorf við Vilhelm Poulsen á liðnum er nummar tvey. Teir vunnu í hósdagin 33-20 á Stuttgart. Vilhelm skoraði tvær ferðir.

Stigatalva Bundesligan hondbóltur menn