Mánadagin var bókaframløga í Müllers Pakkhúsi í Havn, har Helgi Jacobsen legði fram bókina Westward Ho – 1884-2024.
Sluppin Westward Ho fyllir 140 ár í ár. Tí vildi felagið Sluppvinir hava eina bók skrivaða um sluppina. Tórshavnar kommuna tók undir við hugskotinum og játtaði pening.
Helgi Jacobsen takkaði fyri álitið og fyri arbeiðið hjá Sluppvinum. Hann mintist á týdningin, sum sluppirnar hava havt fyri føroyska samfelagið. Tá H.G. Thomsen í 1895 keypti sluppina fyri 385 pund, varð hon nevnd “besta slupp í Grimsby”.
Bókin greiðir frá søguni frá 1884 og fram til í dag. Hon nevnir eisini føroysku slupptíðina og stríðið at fáa skipsfiskiskap í gongd. Elsa Berg, borgarstjóri, hevur skrivað fororðið. Jóan Pauli Joensen, professari, hevur skrivað inngangin.
Í dag er tað áhugafelagsskapurin Sluppvinir, sum rekur sluppina. Alt arbeiðið er sjálvboðið. Sluppin er nógv brúkt um summarið. Millum annað verður skipað fyri fiskikapping fyri 6. flokkar.
Navnið Westward Ho kemur frá skaldsøguni hjá Charles Kingsley. “Westward Ho!” var ein máliska um skip, ið fóru vestureftir. Ein ævintýrlig kensla, knýtt at havinum, sigling og brøgdum.
Deil á Facebook
