Hevnd er nýggj føroysk skaldsøga. Petur Mohr Reinert hevur skrivað bókina, sum verður lýst sum ein myrk og psykologisk søga við sterkum temum um happing og hevnd.
Søgan gongur fyri seg umborð á einum íspunnum frystitrolara í Sørvági og í Havn. Men alt er íspunnið og hevur einki tilknýti til veruligar hendingar ella persónar.
Í miðdepli stendur ein persónur, sum hevur mist alt og velur at taka alt aftur. Bókin setur spurningin: “Er tað rætt at hevna seg?”
Hevnd er fyrsti partur í eini triologi, og næsti partur er longu á veg. Bókin er bæði rá og rørandi.
Petur Mohr Reinert er ein nýggj rødd í føroyskum bókmentum við kompromisleysum málburði og ógvusligari søguskriving.
Bókin verður givin út av nýstovnaða forlagnum Tyrpa, sum rithøvundurin sjálvur eigur. Permumyndin er ein málningur eftir Helenu Dam.
Framløga og signering verður í Rit&Rák í SMS fríggjadagin 29. august kl. 17.00 og í Miðlalon í Vági leygardagin 30. august kl. 14.00. Bókin fæst í bókahandlunum og í Føroyahúsinum í Keypmannahavn.
Deil á Facebook