Ísak norðurlendskur meistari í 200 metra firvaldasvimjing

Leygardagin vann Ísak D. Brisenfeldt úr Havnar Svimjifelag norðurlendska meistaraheitið í 200 metra firvaldasvimjing á norðurlendsku svimjimeistarastevnuni í Vejle í Danmark.

14 føroyskir svimjarar svumu um norðurlendsku meistaraheitini (NM) og norðurlendsku juniormeistaraheitini (NJM), og sambært heimsíðuni svimjing.com vóru føroysku úrslitini sera góð.

– Vit skulu langt aftur í søgubøkurnar, til at finna eina norðurlendska meistarastevnu og eina norðurlendska juniormeistarastevnu, har føroyskir svimjarar stóðu seg so mikið væl, sum hesar tríggjar dagarnar nú í Vejle, skrivar heimasíðan svimjing.com um avrikið hjá føroysku svimjarunum.

Her er eitt yvirltit yvir heiðursmerki og føroysk met, sum svimjararnir tóku í Vejle:

Heiðursmerki

• Líggjas Joensen, Ægir, NJM-gull í 400 frí við tíðini 3:50.73
• Lea O. Højsted, Ægir, NJM-bronsu í 200 bringu við tíðini 2:31.59
• Mennirnir – Bartal Ejdesgaard, Heini M. Askham, Isak D. Brisenfeldt og Líggjas Joensen – Svimjisamd Føroya, NM-bronsu í 4×200 frí við tíðini 7:22.67
• Líggjas Joensen, Ægir, NJM-silvur í 1500 frí við tíðini 15:20.28
• Isak D. Brisenfeldt, Havnar Svimjifelag, NM-gull í 200 firvald við tíðini 1:59.39
• Líggjas Joensen, Ægir, NJM-silvur í 200 frí við tíðini 1:48.49

Met

• Lea O. Højsted, Ægir, føroyskt met og juniormet í 200 bringu við tíðini 2:31.59
• Mennirnir, Svimjisamband Føroya, føroyskt landsliðsmet í 4×200 frí við tíðini 7:22.67
• Lea O. Højsted, Ægir, føroyskt met og juniormet í 100 bringu við tíðini 1:10.07
• Isak D. Brisenfeldt, Havnar Svimjifelag, føroyskt met og juniormet í 200 firvald við tíðini 1:59.39
  – fyrsti undir 2 minuttir í 200 firvald
• Bartal E. Eidesgaard, Havnar Svimjifelag, føroyskt met í 100 frí við tíðini 50.04
  – fyrsti undir 50 sekund í 100 frí
• Mennirnir – Bartal Ejdesgaard, Heini M. Askham, Isak D. Brisenfeldt og Líggjas Joensen- Svimjisamband Føroya, føroyskt landsliðsmet í 4×100 frí við tíðini 3:21.75

Hesir svimjarar vóru í Vejle og svimja um norðurlendsku meistaraheitini:

Til NJM 2024

• Bjarta í Lágabø (2009, SuSvim)
• Jóhanna Ólavsdóttir (2007, FS)
• Lea Osberg Højsted (2008, Ægir)
• Róa Trygvadóttir (2008, Ægir)
• Fróði Hansen (2008, FS)
• Líggjas Joensen (2008, Ægir)
• Silas Dam Lindberg (2008, HS)

Til NM 2024

• Alisa Bech Vestergård (2003, SuSvim)
• Ari Rasmussen Weihe (2005, HS)
• Áki Eliassen (2006, HS)
• Bartal Erlingsson Eidesgaard (2003, HS)
• Heini Mohr Askham (2006, Ægir)
• Isak Dag Brisenfeldt (2006, HS)
• Jón Hofgaard (1992, SuSvim)

Við teimum vóru landsliðsvenjarar Rúna Jakobsen og Kristian Martin Joensen, og ferðaleiðarin Gunnvá Thomsen.