Jóannes við Tobba: – Høvdu tit roknað við at Putin fór í koma av Høgna Hoydal?
11.08.2023– Høvdu tit veruliga roknað við, at Putin fór í koma, tí at Høgni Hoydal stongdi nakrar havnir? Soleiðis spurdi fyrrverandi løgmaður Jóannes Eidesgaard borgarstjóran í Runavíkar kommunu, Tórbjørn Jacobsen, tá fyrrverandi løgmaður, Tórbjørn Jacobsen og Heðin Zachariasen høvdu fiskiveiðusáttmálan við Russland til viðgerðar í sendingini á FM1 “Stjórnin – politikkur skák”, har Árni Gregersen er vertur. Brotið kann hoyrast her: Síðan landsstýrið hevur sett strangari tiltøk í verk móti russiskum skipum í Føroyum, hevur orrusta tikið seg upp í Tjóðveldi, har tað seinasta er, at aðalstjórnarforkvinnan í Tjóðveldi, Sigrid Jensdóttir Dalsgaard, er farin beint ímóti floksformanninum, Høgna Hoydal. Í sendingini segði Tórbjørn Jacobsen, at tað er upp á sítt pláss at eftirmeta tiltøkini, hóast tey bert hava verið í gildi í gott og væl ein mánað. Í sendingini legði hann áherðslu á, at tiltøkini raka slett ikki Russland, men bara Føroyar. Hoyr alla sendingina her Hoyr alla sendingina her:
Stjórnin – Politikkur á skák (ljóð)
Hvat hoyrist á vatnrørunum? Royndu politikararnir Jóannes Eidesgaard, Tórbjørn Jacobsen, Heðin Zachariasen eru fastir í panelinum hjá Árna Gregersen. Stjórnin – politikkur á skák verður send hvønn mikudag eftir tíðindini kl. 17.
