Allan Dybczak venjari hjá kvinnunum hjá NSÍ, og Jóhan Petur Poulsen, venjari hjá monnunum hjá Víkingi, eru ársins venjarar í Betrideildini.
Júst, sum væntað, gjørdist Jóhan Petur Poulsen, venjari hjá Víkingi, ársins venjari í bestu mansdeildini
Jóhan Petur Poulsen hevur í fleiri ár bygt besta liðið hjá Víkingi upp. Fyrst sum venjari hjá næstbesta liðnum hjá Víkingi, og síðan 2020 sum venjari hjá besta liðnum.
Stútt og støðugt hevur hann bygt liðið upp, og í ár ivaðist eingin í, at Víkngingur var besta mansliðið í Føroyum.
Áki Johansen fyri venjarafelagið handaði Pálli Klettskarð steyp, sum fyritøkan BEPRO hevur latið.
Allan Dybczak, venjari hjá NSÍ, gjørdist ársins venjari hjá kvinnum. Í fjør gjørdi hann kvinnurnar hjá NSÍ til steypavinnarar, og í landskappingini gjørdist NSÍ nummar tvey.
Í ár løgdu Allan Dybczak og kvinnurnar hjá NSÍ meistaraheitið afturat og vunnu greipuna.
Allan Dybczak byrjaði venjaraleiðina í B36, var so venjari í HB í fleiri ár, áðrenn hann í fjør skifti til NSÍ. Hann hevur heili 201 dystir sum venjari í bestu kvinnudeildini.
Vinnu- og mentanarstjórin í Klaksvíkar kommunu, John Syderbø, handaði Allani Dybczak steyp fyri heiðurin sum ársins venjari í bestu kvinnudeildini.
Deil á Facebook
