Kalt og kavi til fríggjadagin

Veðurstovan boðar frá kulda alla arbeiðsvikuna. Til og við hósdagin er eitt kalt vetrarligt høgættarrá yvir Føroyum við kavaælaveðri. Fríggjadagin verður broyting í veðrinum, og tað verður lýggjari.

Mánadagur

Frískt lot upp í strúk av landnyrðingi, 7 til 12 m/s, skiftandi skýloft og stundum kavaælaveður. Um náttina veksur hann vindin upp í strúk í vindi ella skrið av landnyrðingi, 13 til 18 m/s. Hitin úr frostmarkinum og niður í 4 kuldastig.

Týsdagur

Strúkur í vindi upp í skrið norðan, 13 til 18 m/s. Um kvøldi minkar hann vindin niður í frískan vind ella hvassan vind, 10 til 15 m/s. Skiftandi skýloft og stundum kavaælaveður. Hitin úr frostmarkinum og niður í 4 kuldastig.

Mikudagur

Frískur vindur upp í hvassan vind norðan, 10 til 15 m/s, sum um náttina minkar niður í frískt lot til frískan vind, 5 til 10 m/s. Skiftandi skýloft og stundum kavaælaveður. Hitin um frostmarkið og upp í 3 hitastig.

Hósdagur

Lot til frískt lot norðan, 3 til 8 m/s, skiftandi skýloft og kavaælaveður. Sum frá líður fer hann at mæla av ymsum ættum og tað verður longri ímillum kavaælini. Um kvøldi skýggjað og yvirhøvur turt. Hitin millum 2 kuldastig og 2 hitastig.

Fríggjadagur

Frískt lot til frískan vind um sunnan, 5 til 10 m/s, sum veksur upp í frískan vind ella hvassan vind, 10 til 15 m/s. Skýggjað og fyrst yvirhøvur turt, um kvøldið og um náttina vátakavi ella regn. Hitin 2 til 6 stig.