Ruth Vang kann ikki útihýsa at sparingar raka almenn starvsfólk

– Vit halda ikki at tað fer at ávirka kjarnutænastur sum vit veita, men vit kunnu ikki útihýsa, at tað rakar onkur starvsfólk. Tað er ikki eitt endamál í sær sjálvum at hava sum flest starvsfólk, tað er eitt endamál at fáa sum mest fyri pengarnar, sigur Ruth Vang, landsstýriskvinna í fíggjarmálum. Hon hevur fyrrapartin borið fíggjarlógaruppskotið fyri 2026 niðan í tingið. Uppskotið vísir eitt hall upp á 173 milliónir krónur. Tað er ikki óvæntað at hall verður, men landsstýriskvinnan kundi tó fegnast um, at halli verður minni, enn hvat mett var, tá fíggjarkarmarnir vórðu lagdir fram í ár. Tá var roknað við einum halli á 200 milliónir krónur. Hoyr samrøðuna, sum Árni Gregersen gjørdi í tíðindunum á FM1 á middegi. Í dag klokkan 16 verður politiskt kjak á FM1. Eyðgunn Samuelsen úr Javnaðarflokkinum og Magnus Rasmussen úr Sambandsflokkinum fara at kjakast um fíggjarlógina.