Klæmint A. Olsen fegnast um eitt gott leikligt avrik hjá NSÍ

Aftaná 2-2 (1-0) javnleikin, og samlaða 2-4 tapið fyri FC Lugano í triðja undanumfarinum í Conference League fekk Brynjar J. Poulsen orðið á álopsveteranin, Klæmint A. Olsen. Klæmint iðrar seg um, at NSÍ ikki megnaði at halda 2-0 leiðsluna og fáa dystin til longda leiktíð. Men hann fegnast kortini um eitt gott leikligt avrik hjá NSÍ móti einum góðum og bólttryggum sveisiskum liði.