Kyndil hevði munin í spøkum dysti

SMS-deildin kvinnur
Kyndil – H71 33-30 (14-15)

So var aftur landskappingardystur á skránni, eftir spennandi og undihaldandi steypakappingardystir. Tað sást eisini aftur, at hesin dysturin ikki hevði eins nógv at siga. Fáir áskoðarar, og leikararnir løgdu ikki líka nógv fyri, sum í teimum heilt spennandi dystunum.

Tað gekk javnt á frá byrjan. Kyndil var fyri ta mesta framman fyri við umleið trimum málum. Jovana Stranjanac hevði nógvar bjargingar av veinginum, og hóast Kyndil hevði rímiliga lætt við at koma í gjøgnum í hinum endanum, so gjørdu tær samstundis so nógvar tekniskar feilir, at tær ikki komu frá H71.

Liðini fylgdust allan fyrra hálvleik, men beint fyri hálvleik skoraði H71 nøkur mál á rað, sum gjørdu , at H71 var framman fyri 14-15 í steðginum.

Liðini hildu fram at fylgjast eftir steðgin. Kyndil kom tó aftur fram um við tveimum málum, og tað var einamest Jovanu Stranjanac fyri at takka, hon hevði javnt og samt góðar bjargingar. Í hinum endanum tóku málverjarnir hjá H71 ikki tað stóra.

Tað gjørdist tó ongantíð tann stóri munurin á liðnunum. Hetta var týðiliga ikki ein verjudystur, og liðini komu til møguleikar í nærum hvørjum álopi.

Tá ið eitt korter var spælt av seinna hálvleiki var javnt 24-24, men Kyndil fór frá aftur, og tá ið H71 ikki kláraði at minka um munin í einum yvirtali fór Kyndil fram um við trimum málum.

Móti endanum av dystinum fór Kyndil avgerandi fram um og vann dystin 33-30. Serliga Bára Krossteig Hansen hevði lætt við at koma gjøgnum verjuni hjá H71 seinastu minuttirnar.

Hjá Kyndli skoraði Bára Krossteig Hansen 10 ferðir, og fyri skoraði Anna Elisabeth H. Weyhe 7 ferðir.

Stigatalva SMS-deildin