Kyndil og H71 deildu stigini

Í bestu mansdeildin í hondbólti deildu Kyndil og H71 stigini, tá ið tey møttust í høllini á Hálsi í kvøld.

Liðini fylgdust so at siga allan dystin, men nakrar ferðir var Kyndil frammanfyri við meira enn einum máli. Í hálvleikinum var 14-14. Rókur Ziskason javnaði við beinleiðis fríkasti framvið múrinum í seinasta sekundi.

Liðini fylgdust eisini í seinna hálvleiki. Men tá ið tíggju minuttir vóru eftir, var Kyndil framman fyri 30-27, sum var størsti munurin í dystinum.

Tá ið tveir minuttir vóru eftir, førdi Kyndil 34-32, men Jákup Egholm hjá H71 skoraði tvey tey seinastu málini í dystinum, tað seinna upp á brotskast. Harvið endaði dysturin 34-34.

Tað eina stig ger, at Kyndil nú bara manglar eitt stig fyri at tryggja sær fyrsta plássið í grundspælinum, sum gevur beinleiðis atgongd í hálvfinalurnar.

William Skovsager skoraði mest 12 mál fyri Kyndil, meðan Rókur Ziskason var toppskjútti hjá H71 við 8 málum.

Stigatalva í Burndeildini