Landsliðsleikarin Rebekka Fjallsá Benbakoura skal spæla við føroyameistarunum úr NSÍ komandi kappingarár. Hon er 25 ára gomul og hevur leikt øll síni ungdómsár við HB. Í 2014 spældi hon sínar fyrstu minuttir í bestu deildini hjá kvinnum.
Í 2019 vann Rebekka Benbakoura steypakappingina við HB. Í 2023 skifti Rebekka til KÍ, har hon var við til at vinna FM.
Í 2024 skifti Rebekka til felagið GPO Kastorias, sum spælir í Grikkalandi. Í juli kom hon heim aftur til barndómsfelagið HB, har hon leikti restina av kappingarárinum.Rebekka hevur leikt 130 dystir í betri kvinnum, og skorað 70 mál. Hon hevur spælt 19 landsdystir.
Deil á Facebook
