Í samstarvi við Listaleypin hevur Norðurlandahúsið bjóðað norðurlendska leikbólkinum Convoi Exeptionnel til Føroya næsta ár, har ætlanin er at framføra útvarpsleikin – ella hoyrileikin – Tú ert ein dagur í morgin.
Framvegis vantar kortini ein týdningarmikil partur av leikinum, og tað er sjálv forteljararøddin.
Leikbólkurin Convoi Exceptionell hevur tí sent út eitt sokallað open call, har leitað verður eftir einum føroyskum tannáringadreingi, sum skal tala inn forteljararøddina.
Mie Meyle, verkætlanarleiðari, var gestur í tíðindasendingini á FM1 á middegi, har hon greiddi frá, hvørjum tey leita eftir.
Trýst á pílin niðanfyri fyri at hoyra samrøðuna.
