67 ára gamli skálvíkingurin Linjohn Christiansen er afturvaldur sum borgarstjóri í Skálavík. Hann tók á fyrsta sinni við í 1989 og hevur sitið við róðrið í 36 ár.
Linjohn Christiansen varð fyrstu ferð valdur í bygdarráðið í Skálavík í 1984 og tók við sum borgarstjóri 1. januar 1989. Hetta er tíggjunda skeiðið hjá honum sum borgarstjóri. Við nýggja skeiðinum fer hann at nærkast 40 árum sum borgarstjóri.
Á kommunuvalinum 12. novembur fekk listi A, sum Linjohn Christiansen er partur av, 55 atkvøður, meðan listi B fekk 54 atkvøður. Tí fekk listi A trý umboð í bygdarráðið, meðan listi B fekk tvey umboð. Anita Joensen heldur fram sum varaborgarstjóri.
Nýggja kommunustýrið tekur við 1. januar 2025, og nevndirnar verða skipaðar í næstum.
Bygdaráðið í Skálavík
| Nr. | Listi | Navn | Atkvøður |
| 1 | A | Linjohn Christiansen | 23 |
| 2 | B | Jákup Myllhamar í Geil | 15 |
| 3 | A | Anita Joensen | 14 |
| 4 | A | Sunniva E. M. í Stovuni | 13 |
| 5 | B | Torkil Dalsgaard | 12 |
Deil á Facebook
