Nú fýra umfør eru spæld eftir nýggja leistinum í Champions League, er Liverpool einasta felagið, sum hevur fult stigatal.
Týskvøldið vann Liverpool greitt 4-0 móti týsku meistarunum Bayer Leverkusen við fyrrverandi Liverpoolspælaranum, Xabi Alonso, sum venjara. Eftir málleysan fyrra hálvleik gjørdi Liverpool bart í seinna hálvleiki. Luis Diaz skoraði trý mál, og Cody Gakpo eitt.
Eitt annað úrslit, sum vakti ans týsdagin, var, at portugisisku Sporting við komandi venjaranum hjá Manchester United, Rúben Amorim, sum venjari vunnu heili 4-1 móti Manchester City. Tað úrslitið fær sjálvandi fjepparar hjá United at vóna, at framtíðin er bjartari enn seinnu árini hjá enska stórfelagnum.
Tað var eisini rættiliga óvæntað, at AC Milan vann heili 3-1 móti Real Madrid á útvølli. Millum annað skoraði fyrrverandi Real Madrid-leikarin Álvaro Morata 2-1 málið fyri Milan.
Mikukvøldið var eitt av stóru samtaluevnunum í Champions League eitt løgið brotsspark, sum Club Brugge fekk móti Aston Villa, sum hevði vunnið allar dystirnar til nú.
Í eini málsparksstøðu rullaði málverjin hjá Aston Villa, Emiliano Martínez, bóltin til viðleikaran, Tyrone Mings, sum tók bóltin upp við hondunum. Brotsspark dømdi dómarin, og Hans Vanaken skoraði trygt, og Club Brugge vann 1-0.
Eisini Arsenal tapti 1-0 móti Inter. Hakan Çalhanoglu sendi eitt brotspark í málið seint í fyrra hálvleiki. Fyri viðhaldsfólkini hjá Arsenal var gott at síggja, at norðmaðurin Martin Ødegaard var aftur á vøllinum í nakrar heilt fáar minuttir. Úrslini hjá Arsenal hava verið vánalig, meðan norski liðskipari teirra hevur verið skaddur í nakrar vikur.
Niðanfyri síggjast øll úrslitini í Champions League.
Úrslit í Champions League hesa vikuna
| Týsdagin | |
| PSV Eindhoven – Girona | 4 – 0 |
| Slovan Bratislava – Dinamo Zagreb | 1 – 4 |
| Bologna – Monaco | 0 – 1 |
| Borussia Dortmund – Sturm Graz | 1 – 0 |
| Celtic – RB Leipzig | 3 – 1 |
| Lille – Juventus | 1 – 1 |
| Liverpool – Bayer Leverkusen | 4 – 0 |
| Real Madrid – Milan | 1 – 3 |
| Sporting CP – Manchester City | 4 – 1 |
| Mikudagin | |
| Club Brugge – Aston Villa | 1 – 0 |
| Shakhtar Donetsk – Young Boys | 2 – 1 |
| Crvena Zvezda – Barcelona | 2 – 5 |
| Feyenoord – RB Salzburg | 1 – 3 |
| Inter – Arsenal | 1 – 0 |
| Paris Saint-Germain – Atlético Madrid | 1 – 2 |
| Sparta Praha – Brest | 1 – 2 |
| Stuttgart – Atalanta | 0 – 2 |
| Bayern München – Benfica | 1 – 0 |
Stigatalva Champions League
| Dystir | Mál | Stig | ||
| 1 | Liverpool | 4 | 10 – 1 | 12 |
| 2 | Sporting CP | 4 | 9 – 2 | 10 |
| 3 | Monaco | 4 | 10 – 4 | 10 |
| 4 | Brest | 4 | 9 – 3 | 10 |
| 5 | Inter | 4 | 6 – 0 | 10 |
| 6 | Barcelona | 4 | 15 – 5 | 9 |
| 7 | Borussia Dortmund | 4 | 13 – 6 | 9 |
| 8 | Aston Villa | 4 | 6 – 1 | 9 |
| 9 | Atalanta | 4 | 5 – 0 | 8 |
| 10 | Manchester City | 4 | 10 – 4 | 7 |
| 11 | Juventus | 4 | 7 – 5 | 7 |
| 12 | Arsenal | 4 | 3 – 1 | 7 |
| 13 | Bayer Leverkusen | 4 | 6 – 5 | 7 |
| 14 | Lille | 4 | 5 – 4 | 7 |
| 15 | Celtic | 4 | 9 – 9 | 7 |
| 16 | Dinamo Zagreb | 4 | 10 – 12 | 7 |
| 17 | Bayern München | 4 | 11 – 7 | 6 |
| 18 | Real Madrid | 4 | 9 – 7 | 6 |
| 19 | Benfica | 4 | 7 – 5 | 6 |
| 20 | Milan | 4 | 7 – 6 | 6 |
| 21 | Feyenoord | 4 | 7 – 10 | 6 |
| 22 | Club Brugge | 4 | 3 – 6 | 6 |
| 23 | Atlético Madrid | 4 | 5 – 9 | 6 |
| 24 | PSV Eindhoven | 4 | 7 – 5 | 5 |
| 25 | Paris Saint-Germain | 4 | 3 – 5 | 4 |
| 26 | Sparta Praha | 4 | 5 – 8 | 4 |
| 27 | Stuttgart | 4 | 3 – 6 | 4 |
| 28 | Shakhtar Donetsk | 4 | 2 – 5 | 4 |
| 29 | Girona | 4 | 4 – 8 | 3 |
| 30 | RB Salzburg | 4 | 3 – 10 | 3 |
| 31 | Bologna | 4 | 0 – 5 | 1 |
| 32 | RB Leipzig | 4 | 4 – 9 | 0 |
| 33 | Sturm Graz | 4 | 1 – 6 | 0 |
| 34 | Young Boys | 4 | 1 – 11 | 0 |
| 35 | Crvena Zvezda | 4 | 4 – 16 | 0 |
| 36 | Slovan Bratislava | 4 | 2 – 15 | 0 |
Deil á Facebook
