Magne Hoseth vitjar B36 Varpið

Prátað verður um, hvussu nýggi høvðusvenjarin er farin í holt við at loysa avbjóðingarnar, sum besta liðið hevur havt í ár. Hugt verður fram ímóti komandi dystum, har Magne Hoseth fyrst vitjar aftur á gomlum gøtum í Djúpumýru, fyri síðan at fara í holt við avbjóðingarnar í teim europeisku dystunum. Komið verður eisini inn á spælarakarrieruna hjá Magna, og tær løgnu hendingarnar hann var úti fyri í Lyngby fyrr í ár. B36 Varpið er at hoyra í dag, hósdagin 4. juli, klokkan 16 á FM1. Sendingin liggur eisini sum poddvarp á FM1.fo. B36 Varpið er stuðlað av Faroe Ship og Mouritsen’s Bussum.