FC Suðuroy stóð í móti so nøkulunda í ein hálvleik, men í seinna hálvleiki skrædnaði veruliga, og endan var at NSÍ vann 7-1 í Vági.
NSÍ hevði alt spælið og nógvar møguleikar at skora. Tað kom hol á við tveimum málum miðskeiðis í fyrra hálvleiki, tá ið Petur Knudsen og Klæmint Olsen skoraðu.
Fyri steðgin eydnaðist tó FC Suðuroy at minka til 2-1 við einum av fáu álopunum hjá suðringunum. Olivur Renéson Thomsen skoraði eftir eitt kontraálop.
Í seinna hálvleiki gingu bara fáir minuttir, so økti Petur Knudsen til 3-1 við brotssparki, og so rapaðu málini inn. Fabian Næs, Klæmint Olsen og Brandur Olsen við tveimum málum gjørdu tað til úrslitið 7-1. Serliga seinasta málið var vert at skriva um, tí Brandur Olsen hamraði enn eitt sera gott fríspark upp í málhornið.
NSÍ er nú bara eitt stig aftanfyri oddaliðið KÍ. Meðan FC Suðuroy júst heldur seg omanfyri niðurflytingarstrikuna, við einum mál betri málmuni enn TB.
Stigatalva Betrideildin menn
| Nr | LIÐ | D | V | J | T | MF | MÍ | MM | Stig | |
| 1 | KÍ | 10 | 9 | 1 | 0 | 33 | 5 | 28 | 28 | |
| 2 | NSÍ | 10 | 9 | 0 | 1 | 48 | 9 | 39 | 27 | |
| 3 | HB | 10 | 6 | 1 | 3 | 20 | 20 | 0 | 19 | |
| 4 | B36 | 10 | 5 | 1 | 4 | 16 | 15 | 1 | 16 | |
| 5 | Víkingur | 10 | 4 | 2 | 4 | 10 | 10 | 0 | 14 | |
| 6 | EB/Streymur | 10 | 4 | 1 | 5 | 11 | 19 | -8 | 13 | |
| 7 | B68 | 10 | 3 | 2 | 5 | 10 | 22 | -12 | 11 | |
| 8 | FC Suðuroy | 10 | 2 | 0 | 7 | 4 | 24 | -20 | 6 | |
| 9 | TB | 10 | 1 | 3 | 6 | 9 | 30 | -21 | 6 | |
| 10 | 07 Vestur | 10 | 1 | 1 | 8 | 12 | 19 | -7 | 4 |
Deil á Facebook
