Ein dystur í 16. umfari í Betrideildini hjá monnum verður spældur í Sarpugerði í Gøtu í kvøld klokkan 19.00, tá ið Víkingur tekur móti einaráðandi oddaliðum KÍ.
KÍ skal royna at halda fast í sera góðu gongdini higartil hetta kappingarárið, har teir bara hava mist tvey stig í javnleiki móti HB. Meðan Víkingur í sínum lagi, skal royna at vinna týðandi stig í stríðnum um fjórða plássið, sum gevur atgongd til evropeiskan fótbólt.
Dysturin er framskundar nakrar dagar, tí bæði liðini skulu spæla evropeiskar dystir í næstu viku.
Víkingur spælir týskvøldið í Champions League móti Lincoln Red Imps úr Gibraltar. Dysturin verður spældur við Djúpumýrar í Klaksvík.
KÍ skal næsta hósdag til Finnlands at spæla móti SJK í UEFA Conference League.
Hinir dystirnir í 16. umfari verður spældir um vikuskiftið.
Leygardagin 5. juli
Kl. 15.00 TB- NSÍ
Kl. 15. 00 FC Suðuroy – 07 Vestur
Kl. 17.15 B68 – EB/Streymur
Sunnudagi 6. juli
B36 – HB
Stigatalvan í Betrideildini
| D | V | J | T | MF | MÍ | MM | Stig | ||
|---|---|---|---|---|---|---|---|---|---|
| 1 | KÍ | 15 | 14 | 1 | 0 | 51 | 8 | 43 | 43 |
| 2 | HB | 15 | 11 | 1 | 3 | 36 | 25 | 11 | 34 |
| 3 | NSÍ | 15 | 10 | 2 | 3 | 58 | 19 | 39 | 32 |
| 4 | Víkingur | 15 | 7 | 3 | 5 | 20 | 15 | 5 | 24 |
| 5 | B36 | 15 | 7 | 3 | 5 | 25 | 22 | 3 | 24 |
| 6 | EB/Streymur | 15 | 6 | 3 | 6 | 15 | 25 | -10 | 21 |
| 7 | B68 | 15 | 5 | 2 | 8 | 20 | 32 | -12 | 17 |
| 8 | 07 Vestur | 15 | 2 | 1 | 12 | 17 | 30 | -13 | 7 |
| 9 | TB | 15 | 1 | 4 | 10 | 12 | 47 | -35 | 7 |
| 10 | FC Suðuroy | 15 | 2 | 0 | 13 | 8 | 39 | -31 | 6 |
Deil á Facebook
