Metferðsla í Sandoyartunlinum, Vágatunlinum og millum Eysturoy og Streymoy

Hagtøluni fyri ferðsluna í undirsjóvartunlunum fyri juli vísa, at ferðslan framvegis er vaksandi, og tríggir tunnlar høvdu metferðslu í juli.

Í Sandoyartunlunum koyrdu 39.679 bilar í juli og tað er fyrstu ferð at ferðslan er størri enn januar 2024, tá ið 39.215 bilar nýttu høvið at koyra gjøgnum tunnilin, meðan tað var ókeypis at koyra gjøgnum nýggja tunnilin.

Eisini í Vágatunlunum hava ongantíð áður koyrt so nógvir bilar sum í juli. Heili 123.268 bilar koyrdu gjøgnum elsta undirsjóvartunnilin í juli, og tað er meira enn 5.000 bilar fleiri enn í juli í 2024, tá ið 117.806 koyrdu millum Vágar og Streymoy.

Eysturoyartunnilin setti ikki met í juli, men verður hugt eftir ferðsluni millum Eysturoy og Streymoy, so hava ongtantíð áður koyrt so nógvir bilar millum tvær tær størstu oyggjarnar í landinum gjøgnum undirsjóvarfunnilin. 178.830 bilar koyrdu undir Tangafjør í juli, og tað eru meira enn túsund bilar fleiri enn í mai í ár, tá ið 177. 669 bilar koyrdu millum Eysturoy og Streymoy.

Mánaðarlig ferðsla í føroysku undirsjóvartunlunum síðan 2020

Mánaðarlig ferðsla í føroysku undirsjóvartunlunum síðan 2020