Danska forsætismálaráðið váttar í dag, at Mette Frederiksen seinni í dag skal hittast við Volodymyr Zelensky, forseta í Ukraina.
Mette Frederiksen ferðast í dag til Helsinki í Finlandi, har hon skal hittast við hinar norðurlendsku stjórnarleiðarararnar, og við á fundinum verður eisini Volodymyr Zelensky.
Fundurin kemur í kjalarvørrinum av donsku avgerðini at alta higartil størstu gávuna til Ukraina og stríðið hjá ukrainum móti russiska áganginum har eysturi í landinum.
Tað er ikki greitt, júst hvør dagsskráin er fyri fundin í dag, men í tíðindaskrivi skrivar danska forsætismálaráðið, at endamálið við fundinum er at viðgera hernaðarligan og sivilan stuðul til Ukraina, væntanir um at NATO-toppfundin í Vilnius í juli mánaði og ætlanirnar hjá Zelensky fyri friði millum Ukraina og Russland.
-Stríðið hjá ukrainum fyri frælsi er eisini okkara stríð. Tað er framvegis bráfeingis tørvur á hernaðarligum stuðli fyri at tryggja, at ukrainar standa so sterkir sum møguligt í stríðnum móti Russlandi. Og vit skulu hjálpa til at endurbyggja Ukraina og at halda lív í vónini um ein vanligan gerandisdag og eina rættvísa framtíð hinumegn kríggið, sigur Mette Frederiksen.
Ukrainsk-nordisk topmøde i Helsinki med præsident Zelenskyy pic.twitter.com/JnIZTZKwmM
— Statsministeriet (@Statsmin) May 3, 2023
Rasmus Tanholdt, korrespondentur fyri TV2, er til staðar í Finlandi og vísir á, at í felag eru Norðurlond triðstørsti stuðulsveitari til Ukraina. Bert USA og Stórabretland hava latið meira til Ukraina.
