Runavíkar kommuna skrivar, at í samband við, at hetjurnar frá Special Olympics World Games Berlin 2023, Eli Hendriksson Olsen úr Lamba og Martha Hansen, sum er ættað úr Gøtugjógv, koma heim í kvøld, so verður skipað fyri móttøku í Gulu smiðju í Saltangará.
Flogfarið lendir klokkan 20, so móttøkan verður ætlandi umleið klokkan 21.30.
Tey bæði íðka boccia. Eli vann gull í einmansleiki og Martha Hansen vann silvur í einmansleiki í Boccia. Saman vunnu tey gull í tvímansleiki. Tey venja bæði boccia við ítróttarfelagnum Svani.
– Øll eru hjartaliga vølkomin til eina hugnaliga løtu í Gulu smiðju klokkan 21.30 í kvøld, mánakvøldið 26. juni, skrivar Runavíkar kommuna á heimasíðu sínari.
