Tveir dystir vóru í bestu kvinnudeildini í dag.
EB – Neistin 24-31 (12-18)
Neistakvinnur hildu fram í tí góða stimanum, sum tær hava verið í seinastu tíðina. Í dag vann Neistin móti EB. Havnarkvinnurnar avgjørdu dystin beinanvegin, og tá ið 20 minuttir vóru spældir var støðan 14-6. Hóast EB onkutíð kom niður á fýra fimm mál, so var eingin vegur aftur. Eftir 18-12 í hálvleikinum, vann Neistin 31-24.
Hjá EB skoraði Silja Geirsdóttir Wardum 8 ferðir, og Silja Heðinsdóttir gjørdi 6 mál fyri Neistan.
Kyndil – StÍF 38-27 (19-15)
Oddaliðið Kyndil vann greitt móti StÍF, 38-27. StÍF fylgdi við í eitt korter, og so fór Kyndil frá. Í hálvleikinum var 19-15 til Kyndil, sum vann dystin 38-27.
Turið Arge Samuelsen skoraði 10 mál fyri Kyndil, og Josefine Dyring skoraði 9 mál fyri StÍF.


Stigatalva SMS-deildin
Dystir | Vunnin mál | Tapt mál | Munur | Stig | |
Kyndil | 16 | 560 | 345 | 215 | 32 |
H71 | 16 | 535 | 422 | 113 | 25 |
VÍF | 15 | 481 | 344 | 137 | 23 |
Neistin | 16 | 420 | 394 | 26 | 19 |
StÍF | 14 | 312 | 397 | -85 | 10 |
Stjørnan | 14 | 352 | 447 | -95 | 6 |
EB | 16 | 397 | 525 | -128 | 5 |
VB | 15 | 333 | 516 | -183 | 2 |