Í dag klokkan 16 verður reisigildi í nýggja kappróðrarneystinum í Norðragøtu.
Rógvarnarnir í róðrarfelagnum Tindi rógva sum nú er innróður í einum høli í Leirvík um veturin. meðan bátarnir rógva á Gøtuvík.
Tríggir bátar standa í einum neysti í Norðragøtu, meðan hinir fýra standa í bingjum á havnalagnum.
Nýggja neystið fer at hava góð og nýmótans venjingarhølir og umklæðingarrúm, umframt pláss til upp til sjey bátar.
Eysturkommunu samtykti í mai at byggja hetta nýmótans neyst, og í septembur varð spakin settur í.
Kappróðrarfelagið Tindur, sum varð stovnað í 2017, hevur ment seg til at verða ein týðandi partur av kappróðrarsamfelagnum í Føroyum. Í 2022 hevði felagið umleið 200 limir, og kvinnumanningin á Leikalind vann gull á Sundalagsstevnuni, sum var fyrsta gullheiðursmerki felagsins.
Róðrarfelagið Tindur eigur hesar bátarnar:
- Knúkur (5-mannafar)
- Tindur (6-mannafar)
- Leikalind (5-mannafar)
- Bláni (5-mannafar)
- Geytin (5-mannafar)
- Sjóherji (6-mannafar)
- Gøtu Tróndur (8-mannafar)
Deil á Facebook
