Okkara hondbóltslandslið styrkismett nummar 21 og 27

Føroyska manslandsliðið í hondbólti er nú styrkismett nummar 21 í Evropa, meðan kvinnulandsliðið er á 27. plássi. Hetta vísir nýggjasta styrkismetingin frá evropeisku hondbóltssamgonguni, EHF, sum byggir á úrslitini frá seinastu tveimum HM- og EM-kappingunum.

Styrkismetingin er grundað á stig, ið londini hava fingið fyri síni avrik í stóru kappingunum. Fyriskipararnir leggja dent á, at nýggjastu úrslitini telja meira, soleiðis at stigini frá 2024 og 2025 telja 100%, meðan stigini frá 2022 og 2023 telja helvtina.

Føroyska manslandsliðið hevur vunnið 21,25 stig. Hetta er eitt úrslit av teirra avrikum í undanfarnu kappingum, har teir hava vunnið sær virðismikil stig. Í samlaðu styrkismetingini liggja teir frammanfyri lond sum Grikkaland, Bosnia-Hersegovina og Slovakia.

Hjá kvinnunum hevur føroyska landsliðið fingið 16,75 stig og er harvið nr. 27. Tær hava sostatt flutt seg framá á altjóða styrkislistarunum og vísa, at tað gongur rætta vegin fyri føroyskan kvinnuhondbólt.

Evropeiski styrkislistin hjá kvinnum í hondbólti

Evropeiski styrkislistin hjá monnum í hondbólti