Í gjárkvøldið skoraði Óli Mittún sigursmálið fyri Sävehof, tá ið hálvur minuttur var eftir í 32-31 sigrinum á heimavølli móti Skövde. Undan dystinum vóru liðini jøvn við 15 stigum hvør. Sävehof er nú á øðrum plássið við 17 stigum, men tað er sera javnt í bestu svensku hondbóltsdeildini, og einans 5 stig eru niður til 10. plássið. Átta tey fremstu liðini koma víðari í finaluumfarið.
Hjá Óla Mittún, sum framvegis bara er 19 ára gamal ,gongur strúkandi fyri tíðina. Í gjár var hann aftur toppskjútti hjá Sävehof við 9 málum, og á toppskjúttararlistanum í deildini er hann á øðrum plássi við 85 málum. Verða brotskastmálini tikin burtur, so er Óli Mittún tann, sum hevur skotið flest mál í opnum spæli í Handbollsligan. Hin føroyingurin í Sävehof, Ísak Vedelsbøl, skoraði eitt mál.
Tað gongur eisini væl hjá Róa á Skipagøtu í Hallby. Í gjár skoraði hann 6 mál, tá ið Hallby tapti 32-28 heima móti Malmø. Rói á Skipagøtu hevur skotið 40 mál í bestu svensku deildini. Hallby er í løtuni á 10. plássið við 13 stigum.
Stigatalva í svensku Handbollsligan
| D | V | J | T | Mál | Stig | ||
| 1 | Ystads IF HF | 12 | 10 | 1 | 1 | 426 – 350 | 21 |
| 2 | IK Sävehof | 13 | 8 | 1 | 4 | 416 – 390 | 17 |
| 3 | Hammarby IF HF | 13 | 7 | 2 | 4 | 389 – 378 | 16 |
| 4 | IFK Kristianstad | 13 | 7 | 1 | 5 | 416 – 380 | 15 |
| 5 | IFK Skövde HK | 13 | 7 | 1 | 5 | 383 – 370 | 15 |
| 6 | HF Karlskrona | 13 | 6 | 3 | 4 | 381 – 373 | 15 |
| 7 | HK Malmö | 12 | 6 | 2 | 4 | 347 – 340 | 14 |
| 8 | Önnereds HK | 13 | 7 | 0 | 6 | 396 – 403 | 14 |
| 9 | IF Hallby HK | 13 | 6 | 1 | 6 | 372 – 348 | 13 |
| 10 | OV Helsingborg HK | 13 | 5 | 2 | 6 | 364 – 388 | 12 |
| 11 | Alingsås HK | 13 | 4 | 3 | 6 | 375 – 386 | 11 |
| 12 | Amo HK | 13 | 4 | 2 | 7 | 405 – 435 | 10 |
| 13 | Skånela IF | 13 | 2 | 0 | 11 | 366 – 429 | 4 |
| 14 | Eskilstuna Guif IF | 13 | 1 | 1 | 11 | 342 – 408 | 3 |
Deil á Facebook
