Løgreglan hevur boðað Sands kommunu frá, at tað er ein stórur trupulleiki við leysgagngandi hundum á Sandi.
Heimasíðan hjá Sands kommunu skrivar, at tað eru fólk í bygdini, ið hava meldað leysgangandi hundar til løgregluna.
Í hesum sambandi hevur løgreglan gjørt Sands kommunu greitt, at um trupulleikin við leysgangandi hundum heldur fram, so kemur løgreglan suður til Sands fyri at taka hesar leysgangandi hundarnar upp.
Tí heitir Sands kommuna á fólk, sum eiga hund, at fáa hetta í rættlag.
– Hendan áheitanin er gjørd í samráð við løgregluna, skrivar kommunan.
Sands kommuna vísir til lógina um hundar, sum kann lesast her:
Deil á Facebook
