Pætur fegnast um at føroysku kvinnurnar hildu høvdið kalt í nógva hitanum

Føroyska kvinnulandsliðið vendi einum hótttandi 1-2 tapi til ein 3-2 sigur í einum ótrúligum endaspurti í útidystinum móti Georgia, har Tórunn Joensen javnaði upp á brotsspark í 87. minutti, og Tóra Mohr skoraði sigursmálið í 91. minutti. Stutt undan steðginum javnaði Brá Zakariasardóttir til 1-1, fimm minuttir aftaná hon var komin á vøllin. Árni Gregersen fekk í tíðindasendingini klokkan 17 orðið á landsliðsvenjaran, Pætur Smith Clementsen, ið stórfegnast um, at føroysku kvinnurnar hildu høvdið kalt í nógva hitanum í Georgia. Nú mugu úrslitini bara laga seg týskvøldið, so kunnu føroysku kvinnurnar røkka røkkstøkk dystum um at sleppa til HM í Brasil í 2027.