Rúnar skoraði avgerandi málið í seinasta sekundi

Rúnar Hammer tryggji føroysku U19-dreingjunum 26-26 javnleik í seinasta sekundinum móti Argentina í Presidents Cup í Egyptalandi.

Málið og javnleikurin var nokk til at vinna bólk 3, og harvið skal Føroyar spæla um plássini millum nummar 17 og 19. Í ovurmorgin skal Føroyar spæla móti Portugal, og vinna teir tann dystin, skulu teir spæla móti vinnaranum av Kroatia og Tunesia.

Í dagsins dysti byrjaðu Føroyar væl. Góð verja og bjargingar frá Inga Johannesen tryggjaðu eina leiðslu við støðuni 15-14 í steðginum.

Argentina tók yvir í seinna hálvleiki, og føroyska liðið stríddist. Tá ið Argentina legði seg á odda, máttu Føroyar hava javnleik fyri at vinna bólkin.

Við fýra sekundum eftir fingu Føroyar fríkast. Rúnar Hammer fintaði og høgdi bóltin í netið úr níggju metrum til 26-26.

Rúnar gjørdist toppskjútti við ellivu málum og varð valdur til dagsins spælara

Málskjúttar:

• Rúnar Hammer – 11/13 (85%)
• Jákup Egholm – 7/8 (88%)
• Fríđi í Innistóvu – 3/7 (43%)
• Pauli Rasmussen – 2/3 (67%)
• Magnus Árason – 2/3 (67%)
• Jón Midjord – 1/2 (50%)
• Lýðar í Dímun – 0/2 (0%)
• Erlingur Erlendsson – 0/0 (0%)
• Torkil Dahl – 0/0 (0%)
• Helgi Halldórsson – 0/0 (0%)
• Filip Haldansen – 0/0 (0%)
• William Djurhuus – 0/0 (0%)
• Haraldur Karlsson – 0/0 (0%)
• Jógvan Andreas Lamhauge – 0/0 (0%)
• Ingi Johannesen (má) – 0/0 (0%)
• Bjarni Jacobsen (má) – 0/0 (0%)

Bólkur III – Stigatalva