Russland fer at seta kjarnorkuvápn upp í Belarus

Í næsta mánað, tá útbúnaður til kjarnorkuvápn verður klárt í Belarus, fer Russland at stilla taktisk kjarnorkuvápn upp í landinum.

Tað sigur russiski forsetin, Vladimir Putin, eftir ein fund við forsetan í Belarus, Aleksander Lukasjenko, í morgun.

Tað skrivar russiska tíðindastovan, Tass.

Í mars mánaða frættist, at forsetarnir í hesum báðum londum høvdu gjørt avtalu um, at Russlandi kundi stilla kjarnorkuvápn upp í grannalandinum, Belarus. Hendan avtalan varð undirskrivað í endanum av mai mánaða.