Føroya Skipara- og Navigatørfelagið skrivar á heimasíðu síni, at felagið hevur gjørt semju fyri navigatørarnar, sum skula sigla við Galaxy meðan Smyril er í dokk.
Eftir niðurskurðin hjá Fasta Gerðarætti viðvíkjandi trætumálinum millum Manningarfeløgini og Fíggjarmálaráið, gleiðist Skipara- og Navigatørfelagið um, at Útlendingastovan hevur avgjørt hvussu útlendska manningin á Galaxy skal lønast.
Føroyar Skipara- og Navigatørfelag hevur eftir úrskurðin hjá Fasta Gerðarætti havt fund við allar navigatørarnar umborð á Smyril, og teir sum skula avloysa umborð á Galaxy.
Á fundinum komu ynskini hjá navigatørunum fram og út frá tí varð eitt uppskot til semju gjørt og sent til Strandfaraskipa Landsins. Í dag kom svar frá Strandferðsluni, at tey góðtóku semjuuppskotið og tíðskil er semja um, hvat er galdandi fyri navigatørarnar.
Skipara- og Navigatørfelagið, sigur at hvat víðari hendir millum Fíggjamálaráið, Strandfaraskip Landsins, Útlendingastovuna, hevur felagið onga ávirkan á.
Deil á Facebook
