Veðurstova Føroya skrivar, at serliga harðir sólstormur hava rakt jørðina farnu dagarnar.
Tílíkir stormar kunnu órógva elnet, internet og skipanir, ið byggja á fylgissveinar, so sum GPS, telefonskipanir og navigatión. Í ringasta føri kann hetta elva til tøkniálop, ið ávirka samfelagið.
Enn er einki frætt um órógv frá storminum, og Veðurstovan sigur, at streymnetið í Føroyum er so avmarkað, at vandin her er lítil.
Sólstormar stava frá útbrotum á sólarskorpuni, har magnetiskar skortar og løddir partiklar verða sendir út í rúmdina við ótrúliga stórari ferð.
Jørðin hevur eitt verjandi magnetfelt, men tær mest orkuríku protonirnar treingja inn í magnetosferuna, har tær verða leiddar móti pólunum. Tað kann síggjast aftur sum bjartari norðlýsið og merkjast sum órógv á hátøkni.
Dømi um álvarsliga ávirkan er sólstormurin í 1989, tá Quebec í Kanada var í myrkri í níggju tímar, og veðurfylgissveinar mistu sambandi í fleiri tímar.
Síðan tá eru skipanir eru styrktar, millum annað við mátingum frá fylgissveinum millum sólina og jørðina. Herfyri sløkti Transpower part av elnetinum í New Zealand fyri at fyribyrgja skaða.
Deil á Facebook
