Steyparadio – U15 dreingir

Okkara U15 dreingir eru steypavinnarar. Leygardagin vunnu teir Cadbury Steypið, og saman við sigrunum hjá U13 dreingjum og gentum, vóru teir við til at gera B36 til ársins steypalið. Í B36 Varpinum í dag, var U15 steyparadio. Gestir vóru Brandur Mørk og Aleks Heiðriksson, sum báðir vóru partur av tí vinnandi liðnum. Vit prátaðu um sjálva steypafinaluna og um U15 liðið. Eisini var komið nakað inn á FM-stríðið hjá dreingjunum, sum verður avgjørt í hesum døgum. Aleks og Brandur hava báðir spælt barnafótbólt við B36. Vit komu eisini inn á nakrar av teirra upplivingum sum barna- og ungdómsleikarar, og um hvat krevst tá man vil nakað við fótbóltinum. B36 Varpið er at hoyra hósdag kl 16 á FM1. Sendingin verður endursend hóskvøld kl 23 og sunnudag kl 13. Hon liggur eisini sum poddvarp á FM1.fo. B36 Varpið er stuðlað av Faroe Ship og Mouritsen’s Bussum.