Í gjár var eitt fólk handtikið uttanfyri SMS, tí viðkomandi hevði verið inni í einum handli í SMS, har viðkomandi hevði stolið nakrar lutir fyri nakrar túsund krónur.
Hetta var um middagsleitið í gjár.
Løgreglan varð boðsend, sum gjørdi kanningar á staðnum – við millum annað at hyggja eftir upptøkum á vakmyndatóli, og har fekk løgreglan staðfest, hvør viðkomandi var, ið hevði stolið í handlinum.
Tað gekk heldur ikki rúm tíð, so hevði løgreglan funnið viðkomandi, sum enn var nærhendis SMS.
Her fann Føroya Politi tjóvagóðs fyri nakrar túsund krónur, sum viðkomandi hevði uppi á sær, og viðkomandi var so handtikin.
Hetta fólkið er nú skuldsett fyri stuldur í morgun.
Í gjár – um 17-tíðina – høvdu fólk í Vestmanna møguliga sæð eitt hernaðarflogfar flúgva lágt gjøgnum Vestmannasund, men tað er ikki nakað, ið vakthavandi á løgreglustøðini hevði frætt um í morgun.
Deil á Facebook
