U21-manslandsliðið í hondbólti, spælir í dag klokkan 15.15 føroyska tíð móti Danmark í seinasta dystinum í millumumfarinum í HM-endaspælinum.
Við stórsligna sigrinum móti Fraklandi í gjár tryggjaðu Føroyar sær pláss í fjórðingsfinaluni.
Sum skilst, so leggja føroysku venjararnir ikki so nógv í, hvørjum teir koma at spæla í móti í fjórðingsfinaluni, og tí verða fleiri leikarar væntandi spardir í dagsins dysti móti Danmark, sum eisini er komið víðari.
Í fjórðingsfinaluni kunnu Føroyar koma at spæla móti Noreg, Slovenia ella Eysturríki. Fjórðingsfinalurnar verða spældar hósdagin.
Mynd: IHF/Kolektiff/Sasa Pahic Szabo
Stroymið dagsins dyst her:
Stigatalva í millumbólki 3
| D | V | J | T | M+ | M- | Munur | Stig | |
|---|---|---|---|---|---|---|---|---|
| Danmark | 2 | 2 | 0 | 0 | 72 | 61 | +11 | 4 |
| Føroyar | 2 | 2 | 0 | 0 | 63 | 55 | +8 | 4 |
| Frakland | 2 | 0 | 0 | 1 | 58 | 63 | –5 | 0 |
| Rumenia | 2 | 0 | 0 | 1 | 58 | 72 | –14 | 0 |
Føroyski U21-hópurin
Venjararnir, Hjalti Mohr Jacobsen og Djóni Gaard Joensen, hava úttikið hesar 16 leikararnar til U21 HM-endaspælið í manshondbólti í Póllandi seinni í juni.
Málverjar:
Vinstri vengur:
- Sofus í Selvindi, StÍF
- Rói Seyer Hjaltason, H71
Høgri vengur:
- Niklas Gaard, Neistin
- Óla Jákup Gaard Olsen, VÍF
Strikur:
- Tóki Fríðriksson, KÍF
- Eyðbjørn Heini Danielsen, VÍF
- Ísak Vedelsbøl, IK Sävehof (Svøríki)
Bakkar:
- Óli Mittún, GOG (Danmark)
- Høgni Heinason, H71
- Høgni Højsted, H71
- Rókur Ziskason, H71
- Búi D. Poulsen, Grindsted GIF (Danmark)
- Trúgvi Hávardsson, StÍF
- Tróndur Johnsson, VÍF
Málverjavenjari er Mladen Mjerimacka, fysioterapeutur er Durita Rouch og liðleiðari er Høgni Vilhelmsen.
32 lið eru við í kappingini, sum verður spæld í Póllandi í døgunum 18. – 29. juni í býunum Plock,
Deil á Facebook
