Rógvarin Sverri Sandberg Nielsen úr Miðvági skal aftur royna seg á Olympisku leikunum í einkultskullara.
Hetta er greitt, eftir at hann í dag róði seg til eitt 2. Pláss í hálvfinaluni í HM í Beograd í Serbia.
Umframt pláss í finaluni tryggjar 2. Plássið í hálvfinaluni í dag eisini luttøku til Olympisku leikirnar.
Minstakravið fyri luttøku í Olpympisku leikunum var eitt triðjapláss í hálvfinaluni í dag.
Sverri Sandberg Nielsen tók eisini lut i Olympisku leikunum í 2021, men tá gjørdist tað ikki til heiðursmerki, tí Sverri Sandberg Nielsen endaði á einum 4. Plássi.
Olympisku leikirnir verða næstu ferð hildnir í París í 2024.
Deil á Facebook
