Svøríki og Noreg úti – Íslendska vónin anir

Skrivað

Rói Joensen

Dagfesting

Hvørki Svøríki ella Noreg koma víðari í fjórðingsfinalurnar í HM-endaspæinum í manshondbólti. Tað gjørdist greitt seinnapartin, tá ið Svøríki óvæntað tapti móti Brasil.

Tað úrslitið hevði við sær, at Svøríki ongan møguleika hevur at koma víðari, og gjørdi eisini, at Noreg heldur ikki hevur møguleika at spæla seg víðarí. Tí hevði sigurin hjá Noreg móti Kili í kvøld ongan týdning.

Hinvegin so er longu greitt, at Brasil óvæntað hevur spælt seg í fjórðingsfinalurnar.


Svenska álopið var strivið

Svøríki spældi ein vánaligan dystin móti Brasil og mátti stríðast við at fylgja við Brasil. Tað gjørdist ikki lættari, tá ið strikuleikarin, Felix Möller, fekk reytt kort. Liðskiparin, Jim Gottfridsson, royndi at lyfta liðið eftir steðgin, men einki hjálpti

Lukas Sandell kom inn og skoraði trý mál, og Svøríki hevði eisini nakar yvirtalsstøður, sum teir einki fingu burturúr. Svenska álopið var sera stirvið, og tí var tað væl uppiborið, at Brasil vann við trimum málum, 27-24.


Noreg vann týdningarleysan sigur

Noreg var, sum nevnt, úti úr HM, áðrenn dysturin móti Kili byrjaði. Noreg vann dystin 39-22. Kasper Thorsen Lien skorðai 10 mál.

Noreg og Svøríki spæla nú ein týdningarleysan dyst sunnudagin. Meðan Brasil og Portugal fara í fjórðingsfinalurnar úr millumbólki 4.


Ísland lítla vón eftir ósigur fyri Kroatia

Ísland tapti við seks málum móti Kroatia, 32-26, og vónin um eitt pláss í fjórðingsfinaluni er lítil.

Ísland má vinna á Argentina sunnudagin, og samstundis má Kroatia missa stig móti Slovenia. Ein annar møguleika er at Egyptaland missir stig móti Kapo Verdi, men tað hendir neyvan. Øll onnur úrslit senda Ísland úr HM, sama hvussu stórur sigurin móti Argentina verður.

Í kvøldsins dysti vóru liðini jøvn frá byrjan, men Kroatia tók skjótt leiðsluna og økti til 5-2. Hálvleiksstøðan var 20-12 til Kroatia. Í seinna hálvleiki royndi Ísland at minka munin, men endaliga úrslitið gjørdist 32-26 til Kroatia. Viggó Kristjánsson var toppskjútti hjá Íslandi við fimm málum.


Dagsins úrslit

Bólkur 3

  • Spania-Portugal 29-35
  • Svøríki-Brasil 24-27
  • Kili-Noreg 22-39

Bólkur 4

  • Argentina-Kap Verde 30-26
  • Egyptaland-Slovenia 26-25
  • Kroatia-Ísland 32-26

Bólkur I

DystirVJTM+M-MMStig
Danmark440015099518
Týskland430112411866
Italia4202104116-124
Sveis4112111113-23
Kekkia41128997-83
Tunesia400498133-350

Bólkur II

DystirVJTM+M-MMStig
Frakland4400144104408
Ungarn421112212205
Norðurmakedonia412112712704
Niðurlond4202135140-54
Eysturríki4112110119-93
Katar4004116142-260

Bólkur III

DystirVJTM+M-MMStig
Portugal4310133120137
Brasil430111010466
Noreg4202118106124
Svøríki412113212394
Spania411211311123
Kili400498140-420

Bólkur IV

DystirVJTM+M-MMStig
Kroatia430113396376
Egyptaland4301117101166
Ísland430111095156
Slovenia420211396174
Argentina410396132-362
Kapo Verdi400495144-490