Team Klaksvík gjørdi einki við StÍF

Burndeildin menn:
Team Klaksvík – StÍF 22-38 (8-17)

Í gjárkvøldið var hondbóltsdystur í Klaksvík í Burndeildini við monnum, har Team Klaksvík tók móti StÍF.

Strandingar hava fingið eina góða byrjan upp á kappingarárið, meðan Team Klaksvík framvegis einki stig hevur fingið.

Tað var eisini stórur munur á liðunum báðum í gjárkvøldið. Longu tá ið 10 minuttir vóru spældi var 7-2 til StÍF, og munurin øktist allan dystin.

Í hálvleikinum stóð 17-8 til StíF, og aftur í seinna hálvleiki bara øktist munurin, og StÍF vann til endans 38-22.

Fyri heimaliðið skoraði russarin, Nikolay Bliznov, 8 ferðir, meðan mánaðarinnar leikari í septembur, Trúgvi Hávardsson, skoraði 8 mál fyri StÍF.

StÍF er nú nummar tvey á stigatalvuni við 10 stigum fyri 7 dystir. Team Klaksvík hevur við ósigrinum í gjárkvøldið framvegis fyrsta stigið til góðar.

Dysturin á Handballstatz

Dómaraseðil á hsf.fo

Stigatalva