Tólv føroysk met í fyrstu kapp­ing­ini í lang­hyl­in­um

Um vikuskiftið var svomið um føroyameistaraheitið á stuttgeil í nýggja langhylinum í svimjihøllini í Havn. Svomið var um FM fyri vaksin, fyri eldir juniorar og fyri yngri juniorar.

61 svimjarar og 46 lið úr fýra feløgum kappaðust fríggjadagin, leygardagin og sunnudagin. Langhylurin, sum er 50 metrar langur, var til høvið deildur í helvt við ein brúgv, sum lættliga kann flytast aftur og fram.

Á heimasíðuni hjá Svimjisambandi Føroya verður tikið samanum hesa fyrstu svimjikappingina í nýggja langhylinum, og sum skilst vóru óvanliga nógv føroysk met tikin hetta vikuskiftið.

Hjá teimum vaksnu vóru ellivu ella tólv føroysk met sett, alt eftir um tangering av meti telur sum nýtt met. Eisini vóru fimm føroyskum juniormet svomin í land. Harafturat svam Líggjas Joensen úr Ægir undir kravtíðina til HM í 400 metra frísvimjing við tíðini 3:48.74.

Føroysk met

• Ægir (2005) 1:42.22 í 4×50 frí mix
• Lea O. Højsted (2008, Ægir) 32.64 í 50 bringu
• Bartal E. Eidesgaard (2003, HS) 50.04 í 100 frí*
• Isak D. Brisenfeldt (2006, HS) 53.67 í 100 firvald
• Lea O. Højsted (2008, Ægir) 1:10.57 í 100 bringu
• Bartal E. Eidesgaard (2003, HS) 1:02.08 í 100 bringu
• Bartal E. Eidesgaard (2003, HS) 22.83 í 50 frí
• HS menn (2003) 1:34.25 í 4×50 frí
• Ægir (2005) 3:45.23 í 4×100 frí mix
• Isak D. Brisenfeldt (2006, HS) 2:00.21 í 200 firvald
• Lea O. Højsted (2008, Ægir) 2:33.17 í 200 bringu
• HS menn (2003) 3:54.60 í 4×100 blandað
  *Tangering av verandi meti
  

Føroysk juniormet

• Lea O. Højsted (2008, Ægir) 32.64 í 50 bringu
• Isak D. Brisenfeldt (2006, HS) 50.43 í 100 frí
• Isak D. Brisenfeldt (2006, HS) 53.67 í 100 firvald
• Lea O. Højsted (2008, Ægir) 1:10.57 í 100 bringu
• Isak D. Brisenfeldt (2006, HS) 2:00.21 í 200 firvald
• Lea O. Højsted (2008, Ægir) 2:33.17 í 200 bringu
  

Bestu avrik

Líggjas Joensen úr Ægir átti besta avrikið yvirhøvur, tá ið hann í 400 metra frísvimjing svam seg til úrslitið 3:48.74, sum gevur 798 AQUA-stig. Hetta er undir kravtíðina hjá HM 2024, sum er 3:50.29.

Lea O. Højsted somuleiðis úr Ægir átti besta avrikið hjá kvinnum. Í bringusvimjing svam hon 100 metrar við tíðini 1:10.57, sum gevur 690 AQUA-stig. Hetta var greitt undir gamla føroyska metið og juniormetið á 1:11.47, sum hon átti sjálv.

Heiðursmerkjabýti (FMS)

Heiðursmerkjabýti (JMS eldri)

Heiðursmerkjabýti (JMS yngri)