Tríggir hondbóltsdystir verða spældir í bestu deildunum í dag.
Í SMS Deildini við kvinnum tekur VÍF klokkan 13.00 móti VB í Vestmanna. Her er VÍF greiður favorittur at vinna dystin.
Í Burn Deildini hjá monnum er grannadystur millum Kyndil og Neistan í høllini á Hálsi klokkan 16.00. Hesir dystir eru sum oftast spennandi, og liðini eru nokk so jøvn hetta kappingarárið. So væntast kann við einum jøvnum dysti.
Hin dysturin við monnum er í Klaksvík klokkan 18.00, tá ið Team Klaksvík tekur móti StÍF. Team Klaksvík hevur einki stig fingið higartil, meðan strandingar hava fingið góðu byrjan í landskappingini.
Deil á Facebook
