U19-dreingirnir tryggar sigrar á Litava og Estlandi

Føroysku U19-menninir hava nú tryggjað sær at spæla um 5. plássið í European Open í Svøríki eftir tveir sigrar týsdagin.

Í morgun vunnu Føroyar 16-11 á Litava. Hóast avrikið leingi var misjavnt, gjørdist endin góður. Hálvleiksstøðan var 7-7, og tað sá leingi svart út í seinna hálvleiki, men tá 8 minuttir vóru eftir, gjørdu venjararnir útskiftingar og fingu ferð á spælið. Føroyar vunnu trygt at enda.

Seinni dysturin var móti Estlandi, og hann var enn greiðari. Føroyar lótu ongan iva verða um, at teir vóru betri enn Estland og vunnu 27-16.

Liðið var frammanfyri 15-7 í hálvleikinum. Føroyska 5-1 verjan voldi estum høvuðbrýggj og Jákup Egholm framprovokeraði ein hóp av villum. Í álopinum riggaði 6 móti 6 spælið væl, og Rúnar Hammer var eyðsýndur.

Seinni hálvleikur var talan um cruisekontrol, og hóast stígur eina løtu, varð leiðslan ongantíð í vanda. Okkara menn royndu ymsar uppstillingar, og tað mesta hepnaðist væl.

Komandi dystir:

• Fríggjadag kl. 08.00: Pólland – Føroyar
• Fríggjadag kl. 12.15: Føroyar – Egyptaland

Allir dystirnir kunnu stroymast á ehftv.com.