U19 genturnar taptu fyrsta dystin í EM

EM U19 gentur
Rumenia – Føroyar 31-25 (14-13)

U19 gentulandsliðið í hondbólti tapti fysta dystin í EM-endapælinum 31-25 móti Rumenia.

Føroyar fingu eina sera góða byrjan og førdu 5-1, áðrenn Rumenia svaraði aftur.

Munurin minkaði allan fyrra hálvleik, og Rumenia kom upp á javnt, tá ið tíggju minuttir vóru eftir av fyrra hálvleiki. Í steðginum førdi Rumenia 14-13.

Í seinna hálvleik økti Rumenia spakuliga um leiðsluna, og føroysku genturnar megnaðu ongantíð at svara ordiliga aftur.

Móti endanum av dystinum brendu føroysku genturnar nógv skot, og endin var, at Rumena vann dystin 31-25.

Hjá Føroyum var Silja Geirsdóttir Eystberg greiður toppskjútti við 8 málum.

Í morginárið klokkan 11 spæla Føroyar móti Spania og í ovurmorgin klokkan 13.30 móti Týsklandi.

Føroyskir málskjúttar

• Silja Geirsdóttir Eystberg – 8/13
• Marta Agnarsdóttir Højgaard – 5/7
• Joan Johannesen – 3/6
• Rakul Borgarlíð Joensen – 3/4
• Fjóla Skaalum Vilhelm – 2/9
• Mira Bendix Laursen – 1/2
• Katrin Hansen – 1/1
• Karin Fossabrúgv – 1/1
• Sará Berg á Lag – 1/3
• Agatha Djurhuus – 0/1
• Elida Joensen – 0/1
• Rakúl Christiansen
• Marjun Jansdóttir
• Gylta Djurhuus á Neystabø (málverji)
• Anita Dahl (málverji)

Dystarskráin hjá Føroyum er hendan:

Hósdagin 10. juli
Kl. 11.00 Spania – Føroyar

Leygardagin 12. juli
Kl. 13.30 Føroyar – Týskland