Yvirfriðingarnevndin hevur boðað til fundar, um at skoða ætlanina at byggja sjey vindmyllur í Klivaløkshaga vestan fyri Sandsbygd.
Fundurin verður í bókasavninum á Sandi mikukvøldið klokkan 9.30 og heldur fram við vitjan í økinum, har myllurnar eru ætlaðar at standa. Øll, sum hava áhuga í málinum, verða biðin um at møta ella umboða seg.
Náttúrufriðingarnevndin í Sandoyar sýslu gav í fjør loyvi til verkætlanina, og í februar fekk felagið, sum Jóhan í Niðristovu og onnur ætla at stovna, loyvi til elframleiðslu úr vindorku. Hetta loyvið er tó treytað av, at onnur neyðug loyvi verða fingin til vega, herímillum frá Yvirfriðingarnevndini, Sands kommunu og jarðareigarunum.
Loyvishavarin hevur fingið góðkenning til bæði vindmyllurnar og vegin, sum skal binda økið saman við landsvegnum millum Sand og Skopun. Í alt komu fýra umsóknir um loyvi.
Yvirfriðingarnevndin heitir á almenningin um at koma á fund og siga sína meining um málið. Tað er ein týdningarmikil avgerð fyri bæði umhvørvið og framtíðar orkuframleiðslu.
Deil á Facebook
