Katrin Petersen fyribils stjóri á KvF

Meðan Kringvarp Føroya leitar eftir nýggjum stjóra aftan á fráfarna Ivan Niclasen, er Katrin Petersen, tíðindaleiðari, fyribils stjóri á stovninum.

“Katrin Petersen er sett sum fyribils stjóri í Kringvarpinum, eftir at Ivan Niclasen var loystur úr starvi í gjár,” skrivar KvF.

Tann 51 ára gamla Katrin Petersen er útbúgvin journalistur og samfelagsfrøðingur.

Hon skal virka sum fyribils kringvarpsstjóri “til nýggjur stjóri er funnin – væntandi nakrar mánaðir.”

“Tilgongdin at søkja eftir nýggjum kringvarpsstjóra byrjar beinavegin,” boðar KvF frá.

Ivan Niclasen varð loystur úr starvi við brestin aftan á fund í kringvarpsstýrinum fyrradagin um at hann sum kringvarpsstjóri hevði lovað einum borgara at sleppa undan at rinda kringvarpsgjald. Borgarin hevði sambært upplýsingar hótt starvsfólk.