Norðoya Sparikassi 16,6 milliónir í yvirskotið fyrra hálvár

Norðoya Sparikassi hevði 16,6 milliónir krónur í avlopi fyrra hálvár 2025. Tað er minni enn sama tíðarskeið í fjør, tá avlopið var 25 milliónir.

Rentustøðið er lækkað munandi seinasta árið. Hetta gagnar útlánskundunum, men merkir samstundis lægri rentuinntøkur til sparikassan.

Nevnd og leiðsla eru tó nøgd við gongdina. Útlánini vaksu við 49 milliónum krónur, serliga til bústaðarendamál. Tilsamans vóru útlánini 2,3 milliardir krónur.

Innlánini øktust við 176 milliónum krónur og raktu 2,9 milliardir. Innlánsavlopið var 609 milliónir.

Grundraksturin, sum er úrslit áðrenn virðisjavnan og skatt, var 18,2 milliónir krónur. Tað er ein lækking á 41,4 % í mun til árið fyri.

Sparikassin hevur framvegis dyggan kapital og gott gjaldføri. Kjarnukapitalurin var 28,5 %, og gjaldførið 429 % í mun til lógarkravda minsta kravið.