Fyrsta svimjikapping í langhylinum um vikuskiftið

Um vikuskiftið verður fyrsta svimjikappingini í nýggja langhylinum í svimjihøllini Gundadali í Havn. Talan er um Føroyameistarastevnuna og Juniormeistarastevnuna á stuttgeil 2024. Tað skrivar Svimjisambandið á heimasíðu síni.

Í nýggja langhylinum eru sera góðar umstøður hjá áskoðarum, og svimjisambandið sigur, at øll eru vælkomin at hyggja.

Byrjað verður fríggjamorgunum klokkan 9.30, og er skráin hendan:

• Fríggjamorgun frá klokkan 9.30 – JM umframt innleiðandi riðlar til FM
• Fríggjadag frá klokkan 17.00 – FM-finalur
• Leygarmorgun frá klokkan 09.30 – JM umframt innleiðandi riðlar til FM
• Leygardag frá klokkan 17.00 – FM-finalur
• Sunnumorgun frá klokkan 9.30 – JM umframt innleiðandi riðlar til FM
• Sunnudag frá klokkan 16.00 – FM-finalur

Svimjistevnan hetta vikuskiftið er síðst í kravtíðarskeiðnum til NM/NJM og HMS 2024, og verður tí mest sannlíkt avgerandi fyri, hvørji ið verða úttikin til hesar avbjóðingar.

Kappingarskrá:

* Kappingarnar í 800 og 1500 frí verða avgreiddar sum beinleiðis finalur um kvøldið
Um meira enn 1 riðil er í 800 og 1500, so svimur bert skjótasti riðil beinleiðis finalu um kvøldið